ABŞ-nin Dedevil şəhərində (Alabama ştatı) ad günü şənliyində kütləvi atışma yaşanıb.

Nəticədə azı 6 nəfər ölüb, 20 nəfər xəsarət alıb.

Hadisə şahidlərinin sözlərinə görə, yaralananların əksəriyyəti yeniyetmələrdir.

Müstəntiqlər bildirirlər ki, atışmaya tərəflərin mübahisəsi səbəb olub.

Yaralılar tibbi yardım üçün yerli xəstəxanalara aparılıb.
Atışmada şübhəli bilinən şəxslər və ya onların motivləri barədə hələlik rəsmi məlumat verməyib.

Şahidlər çoxsaylı güllə səslərinin eşidildiyini və insanların qışqıraraq binadan qaçdığını bildiriblər.

Hadisə yerində olan şahidlərdən biri qeyd edib ki, qurbanların ümumi sayı altı nəfərdən çox olub.