Bu ilin yanvar-iyun aylarında Azərbaycan vətəndaşlarının xarici ölkələrə mağazalara baş çəkmək məqsədi ilə etdikləri səfərlərin bölgüsü məlum olub.

Valyuta.az xəbər verir ki, 2025-ci ilin ilk yarısında ümumilikdə 19 min 85 nəfər alış-veriş turizmi üçün xaricə üz tutub.

Ən çox səfər qonşu Türkiyəyə edilib. Belə ki, 11 min 697 nəfər məhz mağazalara baş çəkmək məqsədilə bu ölkəyə yollanıb.

Siyahıda ikinci pillədə Rusiya Federasiyası qərarlaşıb. Yanvar-iyun aylarında bu istiqamət üzrə 4 min 676 nəfər qeyd alınıb.

Üçüncü yeri isə qonşu Gürcüstan tutur – 1 min 816 nəfər bu məqsədlə sözügedən ölkəyə səfər edib.

Bundan başqa, ilk 6 ayda Birləşmiş Ərəb Əmirliklərinə mağazalara baş çəkmək məqsədilə 457, İrana 90, Qazaxıstana 79, İsrailə 76, Səudiyyə Ərəbistanına 72, Çinə 50, Almaniyaya 37, Türkmənistana 16 və Misirə isə 11 səfər həyata keçirilib.