Süzmə pendir zülal və kalsiumla zəngin, yumşaq və az yağlı pendir növüdür. Foodinfo.az xəbər verir ki bu pendirin tərkibində olan zülallar, xüsusilə idmançılar və sağlam qidalanmaq istəyənlər üçün əvəzsizdir. Sümük və diş sağlamlığı üçün vacib olan kalsiumu təmin edir. Aşağı yağ tərkibi ilə süzmə pendir arıqlamaq istəyənlər üçün də ideal seçimdir.Bu pendir həmçinin həzm sisteminə müsbət təsir göstərir. Tərkibindəki probiotiklər bağırsaq mikroflorasını dəstəkləyir və həzmi yaxşılaşdırır. Süzmə pendir həm təkbaşına, həm də salatlar və yeməklərin tərkib hissəsi olaraq istifadə edilə bilər.