Portağal seçərkən meyvənin dadlı və keyfiyyətli olması üçün bir neçə məqama diqqət yetirilməlidir. Foodinfo.az xəbər verir ki, əvvəlcə portağalın rəngi parlaq və bərabər olmalıdır, lakin bu hər zaman tam göstərici deyil, çünki bəzi növləri yaşıl rəngdə də şirin ola bilər. Əlinizdə portağalı tutduqda öz ölçüsünə görə ağır hiss edilməlidir, bu, şirəliliyinin əlamətidir. Qabığı sıx, hamar və incə olmalıdır, çox qalın qabıq meyvənin şirəli olmama ehtimalını artırır. Portağaldan xoş sitrus ətri gəlməlidir. Ləkə, çürük və yumşaqlıq olan meyvələrdən çəkinin, çünki bunlar təzə olmadığının göstəricisidir.Mövsümündə alınan portağallar daha şirin və dadlı olur.