ABŞ-də 60 yaşlı kişi 40 illik uğursuzluqdan sonra lotereyada 6 milyon dollar udub.

Bu barədə UPI nəşri yazıb.

Məlumata görə, Miçiqan ştatının sakini Sterlinq-Xaytsdakı ərzaq mağazasından növbəti dəfə lotereya bileti alıb və bu dəfə uğur onun üzünə gülüb. Şanslı kişi etiraf edib ki, 40 ildən artıqdır lotereya oynayır, lakin heç vaxt böyük məbləğdə pul qazanmayıb.

"Mən biletdəki qoruyucu təbəqəni pozanda və 6 milyon dollar zənginləşdiyimi görəndə az qala huşumu itirəcəkdim! Gördüklərimə əmin olmaq üçün lotereya tətbiqində hər şeyi yenidən yoxlamalı oldum", - deyə o qeyd edib.

Kişi bildirib ki, qazandığı pulun bir hissəsini səyahətə xərcləyəcək, qalanını isə əmanət hesabına qoyacaq.