Polşanın keçmiş prezidenti, Nobel mükafatı laureatı Lex Valensa xəstəxanaya yerləşdirildiyini bildirib.

"RİA Novosti" agentliyinin verdiyi xəbərə görə, 81 yaşlı Valensa "Facebook"da xəstəxana çarpayısında çəkilmiş şəklini yayıb.

Valesanın köməkçisi Marek Kaçmar keçmiş prezidentin təcili əməliyyat olunduğunu bildirib:

"Prezidentin səhhəti yaxşıdır. O, hazırda Varşava xəstəxanalarından birindədir. Bu gün xəstəxananı tərk etməyəcək".

Lakin Kaçmar Valensanın hansı əməliyyat keçirdiyini açıqlamayıb.

Qeyd edək ki, Valensa uzun müddətdir diabetdən əziyyət çəkir və ürəyində problemlər var.