Hindistanın Madya Pradeş ştatında yaşayan Datar Sinq adlı fermer şok hadisə ilə qarşılaşıb.

Publika.az xəbər verir ki, fermer özünə məxsus tarlasında belində soya bitkisinin tağı yetişən siçan tapıb.

Fermer gördüyü mənzərə qarşısında şoka düşüb və siçanın görüntülərini çəkib. Daha sonra onun ağrı çəkdiyini görüb və evinə apararaq soya tağını canlının belindən çıxarıb. Fermerin sözlərinə görə, siçanın belində açıq yara olub və soya toxumu oraya düşüb.

Bölgəyə yaxın yerləşən Barnaqar kollecinin professoru bu hadisənin möcüzə olduğunu deyib. Onun sözlərinə görə, soya canlının boyun nahiyəsində bitsə də, beyninə zərər verməyib.