İngiltərə Premyer Liqası "Çelsi" "Vest Hem"ə qalib gələrək üçüncü yerə çıxıb
9-04-2019, 07:41
"Çelsi" futbol üzrə İngiltərə çempionatının 33-cü turunun matçında "Vest Hem Yunayted"ə 2:0 hesabı ilə qalib gəlib.
"Report" xəbər verir ki, qarşılaşma Londonda "Stemford Bric" stadionunda baş tutub.
Oyunda hesab 24-cü dəqiqədə açılıb. "Aristokratlar"dan qolun müəllifi yarımmüdafiəçi Eden Azar olub. Qarşılaşmada ikinci qola da o imza atıb.
Bu qələbə sayəsində "Çelsi" 66 xal toplayaraq İngiltərə çempionatının yarış cədvəlində üçüncü yerdə qərarlaşıb. "Vest Hem" 42 xalla 11-ci yerdə qalıb.
"Çelsi" növbəti turda səfərdə "Liverpul"a qarşı oynayacaq. Matç aprelin 14-də baş tutacaq.
