Futbol üzrə Avropa Liqasının ¼ final mərhələsinin cavab oyunları başa çatıb.

"Report" xəbər verir ki, turnirin növbəti "play-off" mərhələsinə "Valensiya" (İspaniya), "Çelsi" və "Arsenal" (İngiltərə), həmçinin "Ayntraxt" (Almaniya) klubları vəsiqə qazanıb.

Avropa Liqasının yarımfinal cütlükləri

"Arsenal" — "Valensiya"

"Ayntraxt" — "Çelsi".

Avropa Liqasının ½ final mərhələsinin ilk matçları mayın 2-də, cavab oyunları isə mayın 9-da keçiriləcək. Qaliblər 29 may tarixində Bakının "Olimpia" stadionunda keçiriləcək final matçında üz-üzə gələcəklər.

Turnirin ¼ final mərhələsində "Valensiya" iki oyunun nəticəsinə görə, "Vilyarreal"dan (3:1, 2:0), "Arsenal" "Napoli"dən (2:0, 1:0), "Çelsi" "Slaviya"dan (1:0, 4:3), "Ayntraxt" isə "Benfika"dan (2:4, 2:0) üstün olub.