İspaniya La Liqasında XVII tura yekun vurulub.

Apasport.az saytının məlumatına görə, turun son günündə 5 matç baş tutub.

“Xetafe” iki cavabsız qolla “Valyadolid”ə qalib gəlib. “Sevilya” isə evdə “Vilyarreal”a uduzub.

Hərəsində 4 qolun vurulduğu “Selta” – “Malyorka” və “Espanyol” – “Betis” görüşlərində qalib müəyyənləşməyib.

“Real” səfərdə “Valensiya” ilə üz-üzə gəlib. “Yarasalar” Madrid təmsilçisi ilə görüşdə hesab açsa da, “Kral klubu” Kərim Benzemanın qolu ilə məğlubiyyətdən qaça bilib.

Qeyd edək ki, çempionatın növbəti oyunu dekabrın 18-də keçiriləcək. Təxirə salınmış matçda “Barselona” “Real”ı qəbul edəcək.

İspaniya La Liqası
XVII tur
15 dekabr
“Xetafe” – “Valyadolid” – 2:0
Kukurella, 36, Rodriges, 82
“Selta” – “Malyorka” – 2:2
Rafinya, 20, Aspas, 50 (pen.) – Sevilya, 33 (pen.), Budimir, 83
“Espanyol” – “Betis” – 2:2
Darder, 19, Espinosa, 41 – İqlesias, 4, Bartra, 67
“Sevilya” – “Vilyarreal” – 1:2
Munir, 61 – Albiol, 13, Ekambi, 74
“Valensiya” – “Real” – 1:1
Soler, 78 – Benzema, 90