UFC çempionu Həbib Nurməhəmmədov Konor Makreqorla revanş döyüşü barədə müzakirələrə növbəti dəfə münasibət bildirib.

Həbib Konorla döyüşmək istəmədiyini bildirib. O, Serrone ilə döyüş barədə də danışıb:

“Konorla revanş mənim üçün maraqlı deyil. Hətta 100 milyon dollar versələr də. Bir çox idman növləri var ki, bu pulu ora yatırmaq olar. Bu əclafı yenə döymək üçün 100 milyon nəyimə lazımdır?

Serronenin ünvanına dediyim sözlər? Hesab etmirəm ki, o ifadələr sərt idi. Serrone son 10 döyüşün 7-də məğlub olub. Adam 10 döyüş keçirib, 7 dəfə məğlub olub, amma onu əfsanəvi, dünya səviyyəli idmançı adlandırırlar.

Qoy o, dünya səviyyəli olsun, amma mən hesab edirəm ki, onun mahnısı çoxdan oxunub".