Maşınını qaçırana badalaq vuran ulduz istintaqa cəlb edildi
5-07-2021, 09:15
Roma"nın hücumçusu Stefan El-Şaaravi ona məxsus "Lamborghini" avtomobilini qaçıran şəxsi döydüyü üçün ifadə verəcək.
Fanat.Az istinadən xəbər verir ki, həmiş şəxsə may ayında 1 il 4 aylıq həbs hökmü oxunsa da, o, El-Şaaravinin yetirdiyi bədən xəsarətlərini əsas gətirərək şikayət edib.
"Football Italia" iyulun sonlarında ifadəsi alınacaq tanınmış oyunçunun vəkilinin söylədiklərini belə çatdırıb:
"Onun maşınını oğurlayan adam çox şey deyə bilər. Amma ədalət və həqiqət öz yerini tapmalıdır. Stefan ifadə zamanı nə baş verdiyini danışacaq".
Qeyd edək ki, EL-Şaaravi fevralda maşınının şüşələrini qıraraq onu qaçırmaq istəyən şəxsi qovmuş və onu küçənin ortasında badalaq vuraraq saxlamışdı. Ardından hadisə yerinə polislər gəlmişdi.