Soçidə şahmat üzrə dünya kuboku yarışları start götürüb

12-07-2021, 23:17           
Soçidə şahmat üzrə dünya kuboku yarışları start götürüb
Rusiyanın Soçi şəhərində Beynəlxalq Şahmat Federasiyasının (FİDE) dünya kuboku yarışları start götürüb.

AZƏRTAC xəbər verir ki, Şəhriyar Məmmədyarov 2782 xalla turnirin 10 ən güclü şahmatçısı sırasındadır. Onunla yanaşı onluğa hazırkı dünya çempionu Maqnus Karlsen, Fabiano Karuana, Aleksandr Qrişyuk və başqaları daxildir.

Builki dünya kuboku koronavirus pandemiyası başlayandan bəri təşkil olunan ilk iri şahmat yarışmasıdır. Kişilər arasında keçirilən turnirdə 206 şahmatçı iştirak edir. Turnirin iki qalibi 2022-ci ildə dünya çempionu adı uğrunda mübarizə aparacaq. Turnirin ümumi mükafat fondu 892 min 500 dollardır. Qalib 110 min dollar, finalçı 80 min dollar, üçüncü və dördüncü yerlərin sahibləri 60 və 50 min dollar məbləğində mükafat əldə edəcəklər.

Xatırladaq ki, 2019-cu ildə kubokun qalibi həmyerlimiz Teymur Rəcəbov olmuşdu.

Paralel olaraq Soçidə qadınlar arasında da dünya kuboku yarışları keçirilir. Bu turnirdə isə 103 şahmatçı qadın iştirak edir.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.