“Arsenal” qol duelində “Çelsi”dən üstün oldu, “Mançester Siti” liderliyini bərpa etdi - VİDEO
21-04-2022, 09:23
İngiltərə Premyer Liqasında müxtəlif turlardan təxirə salınmış oyunlar keçirilib.
Oxu.Az xəbər verir ki, 25-ci tura aid matçda “Çelsi” – “Arsenal”ı qəbul edib. İddialı komandaların qol duelində “topçular” qalib gəlib - 4:2.
Həmçinin, 18-ci turdan təxirə salınmış “Everton” – “Lester” matçı da məhz bu axşam baş tutub. Qarşılaşmada hesabı qonaqlar açsa da, sonda minimal hesablı heç-heçə qeydə alınıb – 1:1.
30-cu tur çərçivəsində isə “Mançester Siti” ilə “Brayton” üz-üzə gəlib. “Şəhərlilər” rəqibinə aman verməyərək çempionatda yenidən liderliyi ələ keçirib – 3:0
