UEFA Çempionlar Liqasında yarımfinal mərhələsinin ilk oyunlarına yekun vurulub.

Bu raundun ikinci matçında “Liverpul” İspaniyanın “Vilyarreal” klubunu qəbul edib.

“Enfild”dəki görüş meydan sahiblərinin 2:0 hesablı qələbəsi ilə başa çatıb.

Hər iki qol ikinci hissədə vurulub. Hesab 53-cü dəqiqədə açılıb. Qonaqların müdafiəçisi Estupinan avtoqol müəllifi olub.

Cəmi 2 dəqiqə sonra isə Sadio Mane fərqlənib.

Komandalar arasında cavab matçı mayın 3-də İspaniyada keçiriləcək.

UEFA Çempionlar Liqası, yarımfinal
İlk oyun
28 aprel

“Liverpul” (İngiltərə) – “Vilyarreal” (İspaniya) - 2:0
Qollar: Estupinan, 53 (avtoqol), Sadio Mane, 55


00:12

UEFA Çempionlar Liqasında ikinci yarımfinal görüşünün ilk oyunu keçirilir.

Oxu.Az xəbər verir ki, “Liverpul” “Vilyareal”la qarşılaşır.

Matçda iki qol vurulub.

53-cü dəqiqədə Estupinan topu öz qapısından keçirib və avtoqol müəllifi olub.

Bundan iki dəqiqə sonra isə Mane fərqi artırıb.

“Liverpul” hazırda öndədir.

10:14

Bu gün UEFA Çempionlar Liqasında ikinci yarımfinal oyunu keçiriləcək.

Oxu.Az xəbər verir ki, “Liverpul” öz evində 1/8 finalda “Yuventus”, 1/4 finalda “Bayern”i turnirdən kənarlaşdırmış İspaniyanın “Vilyareal” klubunu qəbul edəcək.

Tərəflər 2016-cı ildə Avropa Liqasının yarımfinalında da üz-üzə gəliblər. O vaxt İspaniyada meydan sahibləri 1:0 hesabı ilə qalib gəlsələr də, “Enfild Roud”dakı qarşılaşmada “Liverpul” 3:0 hesabı ilə qələbə qazanaraq finala yüksəlib. “Liverpul”un həmin heyətindən Roberto Firmino və Ceyms Milner yenə komandadadırlar.

UEFA Çempionlar Liqası

1/2 final (ilk oyun)

28 aprel

23:00 “Liverpul” (İngiltərə) – “Vilyareal” (İspaniya)

Baş hakim: Şimon Marçinyak (Polşa)

Liverpul. “Enfild” stadionu

Oynamayacaqlar: Alberto Moreno, Yeremi Pino (hər ikisi “Vilyareal”)

Oynaması sual altında olanlar: Roberto Firmino (“Liverpul”), Jerar Moreno (“Vilyareal”)

Qeyd edək ki, yarımfinalın ilk oyununda İspaniyanın “Real” klubu İngiltərədə “Mançester Siti”yə 3:4 hesabı ilə uduzub.