PSJ-nin hücumçusu Kilian Mbappe iyulun əvvəlində “Real Madrid”ə keçəcək.
Qaynarinfo xəbər verir ki, bu barədə “El Chiringuito” telekanalının jurnalisti Fransua Qalardo “Twitter” hesabında məlumat verib.Mənbənin məlumatına görə, fransalı hücumçunun anası Fayza Lamari və vəkilləri transferin yekun şərtlərini razılaşdırmaq üçün İspaniya paytaxtına gələcəklər. Bu, iyulun 1-dən 7-dək baş verəcək.
“Marca”nın daha əvvəl iddia etdiyi kimi, futbolçunun anası artıq PSJ rəhbərliyinə onun klubla müqaviləni yeniləmək fikrində olmadığını, lakin sözləşmənin sonuna qədər qalmaq niyyətində olduğunu bildirib. Klubla futbolçu arasında müqavilə 2023/24 mövsümünün sonunda başa çatır.