"Real"ın və Uels millisinin sabiq futbolçusu Qaret Beyl karyerasını bitirmə səbəbiylə bağlı danışıb.

Publika.az xəbər verir ki, o, 33 yaşında niyə belə qəfil qərar verdiyini açıqlayıb:

“Futbola olan sevgim bitməmişdi. Sadəcə anladım ki, istədiyim hər şeyə nail olmuşam. Peşman deyiləm, karyeramdan çox razıyam. İşimdən həzz alırdım, amma bir anda ailəmlə daha çox vaxt keçirmək istədim. Övladlarım o qədər sürətlə böyüyürlər ki... Mənə elə gəldi ki, çox şeyi əldən verirəm.

Uels milli komandasına gəlincə, gələcək nəslə şans vermək istəyirəm. Ümid edirəm ki, onlara oynadığımız zaman komandamızdan nə gözlənildiyini və soyunub-geyinmə otağında nələrin baş verdiyini göstərə bildim”.