FIFA milli komandaların növbəti reytinq cədvəlini açıqlayıb.

Qaynarinfo-nun məlumatına görə ötən ayla müqayisədə Azərbaycan milli komandasının mövqeyində dəyişiklik olmayıb. Millimiz 1143 xalla 121-ci pillədə qərarlaşıb.

Ötən ay açıqlanan reytinq cədvəlində Canni De Byazinin rəhbərlik etdiyi yığma üç pillə geriləyərək məhz 121-ci yerə düşmüşdü.

Türkiyə yığması isə 41-ci pillədəki mövqeyini qoruyub. "Ay-ulduzlular”ın aktivində 1484 xal var. Reytinqin zirvəsində dəyişiklik olmayıb. DÇ-2022-nin qalibi Argentina yığması 1843 xalla liderliyini davam etdirib. Qətərdəki mundialın finalçısı Fransa seçməsi (1843) cüzi fərqlə ikinci, Braziliya (1828) isə üçüncü sırada qərarlaşıb.

Reytinq cədvəlində ilk "10-luq” aşağıdakı kimidir:

1. Argentina – 1843,73 xal

2. Fransa – 1843,54

3. Braziliya – 1828

4. İngiltərə - 1797

5. Belçika – 1788

6. Xorvatiya - 1742

7. Niderland – 1731

8. İtaliya – 1726

9. Portuqaliya – 1718

10. İspaniya – 1703