“Neftçi” yeni mövsümə hazırlığı davam etdirir.

Bizim.Media xəbər verir ki, Rusiyadakı təlim-məşq toplanışını başa vuran flaqman iki günlük fasilədən sonra məşqləri bərpa edib.

“Ağ-qaralar” bu gün Bakı Olimpiya Stadionunda məşqə çıxıb.

Bu baş məşqçi Adrian Mutunun istəyi ilə olub. Deyilənə görə, rumıniyalı mütəxəssis bundan sonra komandanın məşqlərinin klubun bazasında deyil, Olimpiya stadionunda keçirilməsini istəyib.

Zədəli Emil Balayevdən başqa bütün futbolçuların iştirak etdiyi məşqdə əsasən toplu çalışmalar icra olunub. “Neftçi” Konfrans Liqasının 2-ci təsnifat mərhələsində Bosniya və Herseqovinanın “Jelezniçar” klubu ilə qarşılaşacaq.

İlk oyun iyulun 27-də səfərdə, cavab matçı isə avqustun 3-ü saat 21.00-da “Bakcell Arena”da keçiriləcək.