“Bavariya” Türkiyənin “Qalatasaray” klubundan 23 yaşlı sağ cinah müdafiəçisi Saşa Boeni transfer etdiyini açıqlayıb.
Publika.az xəbər verir ki, bu barədə klubun rəsmi saytı məlumat yayıb.

“Bu mənim üçün gerçəkləşən bir xəyaldır. “Bavariya” kimi böyük klubda oynamaq mənim üçün böyük şərəfdir. Bu böyük oyunçularla oynamağı səbirsizliklə gözləyirəm. Mən hücum etməyi sevən müdafiəçiyəm. Həm öndə, həm də müdafiədə oynamağı xoşlayıram”, – deyə “Bavariya”nın rəsmi saytı Boenin sözlərindən sitat gətirib.

Münhen klubu Boe ilə 2028-ci ilin yayına qədər müqavilə bağlayıb.