AFFA rəqiblərini təhqir edən 3 futbolçunu cəzalandırdı
27-04-2024, 11:54
AFFA İntizam Komitəsi üç futbolçunu cəzalandırıb. TEREF "Qaynarinfo"ya istinadla xəbər verir ki, buna onların rəqib futbolçuları təhqir etməsi səbəb olub. Xoşagəlməz hadisə Əvəzedicilər Liqasında 31-ci turun "Zirə-2” – "Neftçi-2” oyununda baş verib. 52-ci dəqiqədə Ramin Abdullayev qonaq komandanın futbolçusunu təhqir etdiyinə görə birbaşa qırmızı vərəqə alıb. "Neftçi-2″nin heyətində isə eyni səbəbdən 75-ci dəqiqədə Fərid Səfərli, 78-ci dəqiqədə isə İbrahim Novruzov meydandan qovulublar. Hər üç futbolçu 3 oyun cəzalanıb. "Zirə-2” 200 manat, "Neftçi-2” isə 400 manat cərimə ödəyəcək.