İtaliya A Seriyasının üçüncü turunun "Latsio" - "Milan" matçı sülhlə bitib.

Oxu.Az xəbər verir ki, Romadakı "Olimpiko" stadionunda baş tutan oyun 2:2 hesabı ilə başa çatıb.

Qarşılaşmada hesabı səkkizinci dəqiqədə "Milan"ın müdafiəçisi Straxinya Pavloviç açıb. "Latsio"nun futbolçusu Valentin Kastelanos 62-ci dəqiqədə fərqlənib. 66-cı dəqiqədə seneqallı hücumçu Boulaye Dia ev sahiblərini hesabda önə keçirib. 72-ci dəqiqədə "Milan"lı Rafael Leau fərqlənərək matçda yekun hesabı müəyyənləşdirib - 2:2.

Beləliklə də, "Milan" üç oyundan iki xal qazanıb və İtaliya çempionatının turnir cədvəlində 14-cü yerdədir. "Latsio" dörd xalla səkkizinci pillədə qərarlaşıb. Çempionata yeddi xalla "İnter" başçılıq edir.