Al Paçino Vatikanda yeni Papa XIV Leo tərəfindən qəbul edilən ilk Hollivud ulduzu olub.

Bu barədə "Variety" məlumat yayıb.

Aktyor Romaya Nyu-Yorkdan şəxsi təyyarəsi ilə gəlib. "Oskar" mükafatı laureatı italyan prodüser Andrea Yervolino ilə birlikdə pontifikin qəbulunda olub. Onlar Mazerati qardaşları haqqında filmi - eyniadlı avtomobil şirkətinin yaradılmasından bəhs edən bioqrafik dramı təqdim ediblər.

Filmdə Paçinodan başqa, Cessika Alba, Endi Qarsiya və Mişel Morron da çəkilib.

Yervolino bu görüşün dərin mənəvi və mədəni ilham anı olduğunu qeyd edib. Onun sözlərinə görə, katolik kilsəsi və film ümumi dəyərləri çatdırır: ailə birliyi, sevgi, şəfqət və ümumi mənafeyə can atmaq.