"Mançester Siti" lider oyunçulardan birini itirə bilər

13-04-2025, 12:37           
"Mançester Siti" lider oyunçulardan birini itirə bilər
"Mançester Siti"nin 30 yaşlı yarımmüdafiəçisi Bernardu Silva gələn yay "Benfika"ya qayıda bilər. Hazırda tərəflər danışıqlar aparırlar.

Oxu.Az-ın məlumatına görə, bu barədə "A Bola" xəbər verir.

Bildirilir ki, Silva məzunu olduğu "Benfika"ya qayıtdığı təqdirdə maaşının azaldılmasına razıdır.

"Şəhərlilər" cari mövsümün o qədər də yaxşı olmayan nəticələri fonunda heyəti yeniləmək istəyi səbəbindən 30 yaşlı yarımmüdafiəçini sata bilərlər. Bununla yanaşı, Silvaya "Barselona" da maraq göstərir.

Cari mövsümdə portuqaliyalı bütün turnirlərdə 41 matçda iştirak edib, üç qol və dörd məhsuldar ötürmə ilə yadda qalıb. Oyunçunun klubla mövcud əmək müqaviləsi 2026-cı ilin yayına qədər nəzərdə tutulub. "Transfermarkt" portalında təqdim olunan məlumata görə, futbolçunun bazar dəyəri 45 milyon avro təşkil edir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru