UEFA Konfrans Liqası: Finalçılar bəlli oldular VİDEO
9-05-2025, 12:17
UEFA Konfrans Liqasında finala yüksələn komandaların adlarına aydınlıq gəlib.
Oxu.Az xəbər verir ki, "Çelsi" "Dyurqarden"i, "Fiorentina" isə "Real Betis"i qəbul edib.
"Zadəganlar" ev matçını minimal üstünlüklə başa vurmaqla finala adlayıblar - 1:0 (ümumi hesab 5:1).
Florensiyada isə əsas vaxt 2:1 hesabı ilə (ümumi hesab 3:3) meydan sahiblərinin xeyrinə başa çatıb və qalib əlavə vaxtda müəyyənləşib. Növbəti 30 dəqiqədə qol vurmağı bacaran ispanlar daha şanslı olublar - 2:2 (ümumi hesab 3:4).
Beləliklə də, finalda "Çelsi" "Real Betis"ə qarşı mübarizə aparacaq.
Xatırladaq ki, "Çelsi" ilə "Dyurqarden" arasında keçirilən ilk oyun İngiltərə klubunun 1:4 hesablı səfər qələbəsi ilə başa çatıb. "Real Betis" isə doğma meydanda "Fiorentina"nı 2:1 hesabı ilə məğlub edib.
Qeyd edək ki, turnirin həlledici matçı mayın 28-də baş tutacaq.
