Olimpiya mükafatçısı Fransada faciəli şəkildə həlak oldu
Dünən, 17:14
2024-cü il Paris Olimpiadasının gümüş mükafatçısı, Fici reqbiçisi Kosaya Raisuke 31 yaşında Fransada yol-nəqliyyat hadisəsi nəticəsində həyatını itirib.
Bu barədə "Associated Press" məlumat yayıb.
Faciəli hadisə Raisukenin məşqə gedərkən avtomobilinin dəmiryolu xəttində qatarla toqquşması nəticəsində baş verib.
Qeyd edək ki, Kosaya karyerasına Avropa klublarında başlayıb. O, Ficinin reqbi-7 yığmasının tərkibində 2024-cü il Paris Olimpiya Oyunlarında gümüş medal qazanıb. Finalda Fici reqbiçiləri Fransa yığmasına 7:28 hesabı ilə məğlub olublar.