İngiltərənin "Nyukasl Yunayted" futbol klubu loqotipini dəyişməyə hazırlaşır.

Bu barədə Oxu.Az klubun Mətbuat Xidmətinin yaydığı məlumata istinadla xəbər verir.

Məlumata görə, klub loqotipini müasir trendlərə uyğunlaşdırmaq niyyətindədir. "Nyukasl"ın rəhbərliyi komandanın fanatları ilə ilkin müzakirə aparıb, yaxın zamanda isə sorğu təşkil etməyi planlaşdırır.

Bildirilir ki, sorğunun nəticələri yekun qərara həlledici təsir göstərəcək. Klub planlaşdırılmış dəyişikliklərin səbəblərini və məqsədlərini daha ətraflı izah etmək üçün qarşıdakı həftə ərzində azarkeşlər üçün açıq seminar keçirməyi planlaşdırır.