Məşhur Kuba astroloqu Meni Vidente "İnter Mayami" və Argentina milli komandasının əfsanəvi futbolçusu Lionel Messi ilə həyat yoldaşı Antonella Rokkuzzonun yaxın gələcəkdə ayrılacağını iddia edib.

Bu barədə "La Repubblica" nəşri məlumat yayıb.

Nəşrə verdiyi müsahibədə Vidente Messinin başqa qadınla romantik əlaqəsi olduğunu, Antonellanın isə yaxın zamanda başqa kişi ilə münasibətə başlayacağını iddia edib.

Antonella haqqında Vidente hətta daha da qəti ifadə işlədib: "O artıq Messiyə dözə bilmir", - deyə astroloq bəyan edib.

Xatırladaq ki, cütlük yeniyetməlik dövründən bəri birlikdədir və üç uşaq böyüdür.