Səudiyyə Ərəbistanı Pro Liqasında 31-ci turun oyunları keçirilir.

Oxu.Az xəbər verir ki, "Ən-Nəsr" səfərdə autsayder "Əl-Ahdud"la qarşılaşıb.

Matça kapitan Kriştianu Ronaldusuz çıxan qonaqlar meydan sahiblərini darmadağın ediblər - 0:9.

Bu, komandanın mövsümdəki ən böyükhesablı qələbəsi olub. Lakin qələbəyə baxmayaraq, "Ən-Nəsr" çempionluq şansını itirib. Bu, çempionatın lideri "Əl-İttihad"ın "Əl-Feyha"nı 3:0 məğlub etməsindən sonra dəqiqləşib.

Sona 3 tur qalmış yarış cədvəlində üçüncü pilləni tutan "Ən-Nəsr" 63 xala malikdir və "Əl-İttihad"dan 11 xal geri qalır. "Əl-Ahdud" isə 28 xalla sondan əvvəlki - 17-ci pillədə qərarlaşıb.