Əfsanəvi futbolçu, mərhum Dieqo Maradonanın böyük qızı Dalma Maradona atasının ölümü ilə bağlı keçirilən 11-ci məhkəmə iclasında həyatının son həftələrində atasını müalicə edən həkimlərin hərəkətlərindən danışıb.

Sport24.ru xəbər verir ki, Dalmanın sözlərinə görə, o, atasının vəziyyətinin pisləşdiyini dəfələrlə həkimlərin diqqətinə çatdırıb:

"Biz həkimlərə deyirdik ki, atama nəsə olub. O, çətinliklə yeriyirdi, düşkün görünürdü, bizə görüntülü zəng edirdi və onun nə dediyini başa düşmürdük. Həkimlər cavab veriblər ki, Maradonanın vəziyyətinin pisləşdiyi və yaxşılaşdığı günlər olur".

Məhkəmə prosesinə cəlb olunan mütəxəssislər Maradonanın şəxsi həkim qrupunun tərkibində olublar və futbolçunun ölümündə mümkün əlaqələrinin olması ilə bağlı ittiham olunurlar.

Qeyd edək ki, məhkəmə prosesinin ən azı iyulun ortalarına qədər davam edəcəyi gözlənilir. Maradona 2020-ci il noyabrın 25-də 61 yaşında vəfat edib.