"Nottingem Forest" və Nigeriya milli komandasının hücumçusu Tayvo Avoniyi süni komaya salınıb.
Bu barədə Daily Mail qəzeti məlumat yayıb.

Mayın 11-də İngiltərə Premyer Liqasının 36-cı turunda "Lester"lə oyunun son dəqiqələrində (2:2) Avoniyi dirəyə çırpılıb. Bildirilir ki, futbolçu qarın boşluğunda keçirilmiş təcili əməliyyatdan sonra intensiv terapiya alır.

27 yaşlı Avoniyi cari mövsümdə İngiltərə çempionatında 26 oyuna çıxıb və 1 qol vurub. Nigeriya millisində isə onun aktivində 8 oyun və 2 qol var.

"Nottingem Forest" bu mövsüm 62 xal toplayaraq İngiltərə çempionatının turnir cədvəlində 7-ci pillədə qərarlaşıb.