24 qat Böyük Dəbilqə çempionu, serb tennisçi Novak Cokoviç karyerasında 100-cü titulunu qazanıb.

Oxu.Az xəbər verir ki, mayın 24-də Cenevrədə (İsveçrə) keçirilən ATP-250 torpaq kortu turnirində o, finalda Polşadan olan dünyanın 31-ci raketkası Hubert Hurkaçı 5:7, 7:6 (7:2) hesabı ilə məğlub edib.

Cenevrədəki titul Cokoviç üçün bu mövsüm ilk titul olub. Ötən mövsüm o, Paris Olimpiadasında təkbətək yarışlarda qızıl medal qazanıb.

Bundan sonra Novak Cokoviç Fransa Açıq Çempionatında mübarizə aparacaq və burada yarışın başlanğıcında amerikalı Makkenzi Makdonaldla oynayacaq. "Roland Garros" mayın 25-də başlayacaq və iyunun 8-dək davam edəcək.