Səudiyyə Ərəbistanının "Ən-Nəsr" klubunun portuqaliyalı hücumçusu Kriştianu Ronaldunun nişanlısı Corcina Rodriges Venesiya Film Festivalında iştirak edib və qırmızı xalça üzərindən keçib.

Gazeta.ru-nun verdiyi xəbərə görə, mərasim zamanı argentinalı model Ronaldunun ona hədiyyə etdiyi nişan üzüyünü nümayiş etdirib.

Zərgər Acay Anandın sözlərinə görə, üzük üçün təxminən 30 karat ağırlığında D kateqoriyalı brilyant seçilib. Zinət əşyasının təxmini dəyəri beş milyon dollardır.

Xatırladaq ki, avqustun 11-də Rodriges "Instagram" hesabında Ronalduya ərə gedəcəyini açıqlayıb. O, üç daş-qaşdan ibarət nişan üzüyünün şəklini paylaşıb.