Azərbaycan milli komandasının futbolçusu Araz Abdullayev Kiprin "Anortosis" klubunun heyətində növbəti qolunu vurub.
"Report"un məlumatına görə, 25 yaşlı hücumçu çempionatın XV turunda "Alki" ilə ev oyununda fərqlənib.
Start heyətində meydana çıxan Abdullayev 90+1-ci dəqiqədə möhtəşəm qola imza atıb. Bu qol sayəsində "Anortosis" 2:1 hesablı əzmkar qələbə qazanaraq, 33 xalla yenidən liderliyə yüksəlib.
Qeyd edək ki, bu, Araz Abdullayevin "Anortosis"in heyətində ikinci qolu olub.