Ronaldunu vergidən yayındığına görə 30 milyon avro cərimə gözləyir
10-12-2017, 17:08
İspaniyanın "Real" klubunun hücumçusu Kriştianu Ronaldu vergidən yayınma ilə bağlı iş üzrə ən azı 30 milyon avro cərimə oluna bilər. “Report” xəbər verir ki, Ronaldu 2011-2014-cü illər aralığında 14,8 mln. avro məbləğində vergini ödəməkdən yayınmaqda ittiham olunur. Məhkəmənin iş üzrə iclası dekabrın 22-də keçiriləcək. AS nəşrinin məlumatına görə, portuqaliyalı futbolçu işi uduzacağı təqdirdə cərimə və üzərinə gələn faizlə birgə 30 mln. avro ödəməli olacaq.