Çempionlar Liqasının finalında “Liverpul”u məğlub etməklə ardıcıl 3-cü dəfə çempion olan “Real” UEFA Superkuboku uğrunda mübarizə aparmaq hüququ qazanıb.

Publika.az xəbər verir ki, “Real” bununla UEFA Superkuboku tarixində də bir ilkə imza atacaq.

Belə ki, “Kral Klubu” Avropa Liqasının qalibi "Atletiko Madrid"lə qarşılaşacaq. Bu isə o deməkdir ki, finalda bir şəhərin iki təmsilçisi qarşılaşacaq.

Matç avqustun 15-də Tallinin "A. Le Kok Arena" stadionunda baş tutacaq.

Qeyd edək ki, ötən ilin avqustunda “Real” "Mançester Yunayted"i 2:1 hesabı ilə məğlub edərək Superkubokun sahibi olmuşdu.