Tanınmış şair Rüstəm Behrudi beşinci dəfə əməliyyat olunub.

Open.az xəbər verir ki, bu barədə şair sosial şəbəkə hesabında məlumat yayıb: "Bu gün bir ildə beşinci dəfə əməliyyat olundum. Telefonlarına cavab verə bilmədiyim dostlarım məndən inciməsin deyə yazdım! Və mən hələ yaşayıram!

Qeyd edək ki, Rüstəm Behrudi 1957-ci il sentyabrın 12-də Ordubad rayonunun Behrud kəndində dünyaya gəlib. Yaradıclığında türkçülüyə və dərviş fəlsəfəsinə üstünlük verir.

Şair "Yaddaşlara yazın", "Şaman duası" kitablarının müəllifidir.