Sabirabad rayonun böyük kəndlərindən biri olan Qalaqayın kəndində insanlar içməli su problemi ilə üzləşiblər. Kənd sakinlərinin Gundeminfo.az-a yolladıqları fotodan da görünür ki, içməli su kanalında tullantılar atılır.

Sakinlər problemlə bağlı dəfələrlə yerli icra hakimiyyətinə, əlaqədar qurumlara müraciət etsələr də jeç bir nəticəsi olmayıb. Sakinlər bildirir ki, Qalaqayın kəndinə həm təsərrüfat, həm də içməli su yalnız bir kanalla verilir. Kanal isə illərlə təmizlənmir. Təmizlənərək yenidən qazılmaması səbəbindən də həm su ötürmə qabiliyyəti aşağı düşür, həm də antisanitariya vəziyyəti insanların içməli həyatı təhlükə yaranır. Mövzu ilə bağlı müvafiq qurumların da mövqeyini dinləməyə hazırıq.