Sinqapurda “Omikron” ştammını aşkar edəcək ilk test yaradılıb
7-12-2021, 07:37
Sinqapurda “Omikron” ştammını aşkar edəcək ilk COVID testi hazırlanıb.
KONKRET.az xəbər verir ki, PCR testi “Bio Acumen Global” əczaçılıq şirkəti tərəfindən yaradılıb.
Test dəsti istifadə zamanı üç nəticədən birini verə bilər: COVID-19 üçün müsbət və “Omikron” üçün müsbət, COVID-19 üçün müsbət və “Omikron” üçün mənfi və ya COVID-19 üçün mənfi və “Omikron” üçün mənfi.
Qeyd edək ki, yeni test quru dondurulmuş şəkildə satılır. Bir paketdə 40 fərdi test dəsti var. Onlar otaq temperaturunda bir ilə qədər saxlanıla bilər.
