ABŞ-ın Dirborn şəhərindən olan müsəlman polis vəzifə borcunu yerinə yetirərkən göstərdiyi yüksək qeyrət və liderliyə görə "İlin polisi" seçilib.

Moderator.az bu haqda xarici İslam saytlarına istinadla xəbər verir.

Kapral(onbaşı-S.L.) Əli Hamka leytenant Ceyson Skoçilasla birlikdə Miçiqan Polis Məmurları Assosiasiyasının ("POAM") mükafatını alıb.

"Miçiqan Polis Məmurları Assosiasiyası hər il öz vəzifələrini yerinə yetirərkən üstün liderlik və çalışqanlıq nümayiş etdirən zabitləri nəzərə alır və mükafatlandırır", - "POAM"-ın bəyanatında belə deyilir.

Onbaşı Əli Hamka ötən ilin fevral ayında "Əl-Huda" İslam dərnəyində baş vermiş yanğın zamanı göstərdiyi şücaətə görə mükafat alıb.