ABŞ-Meksika sərhədində narkotik qaçaqmalçıları tərəfindən inşa edilən daha bir tunel tapılıb.

Axar.az xəbər verir ki, bu barədə Meksika Baş Prokurorluğu məlumat yayıb.

Bildirilib ki, 242 metrlik tunel Meksikanın Tijuana şəhəri ilə ABŞ-ın Kaliforniya ştatının San-Dieqo şəhərini əlaqələndirir. Tuneldə dəmiryol xətti, elektrik təchizatı və ventilyasiya sistemi mövcuddur.

Məlumata görə, tunel patrul xidmətinin əməkdaşlarına atəş açan şəxsin təqib edilməsi zamanı tapılıb.

Faktla bağlı istintaq başladılıb.