Siyəzəndə bu gecə baş verən yanğında ev sahibəsi və nəvəsi əllərindən yüngül yanıq xəsarətləri alıblar.

Siyəzən icra hakimiyyətinin Fövqəladə Hallar Komissiyasından Bizim.Media-ya verilən məlumata görə, Hökmulla Talıbov küçəsindəki çoxmənzilli binada baş verən yanğın zamanı 65 yaşlı Mədinə və 18 yaşlı Röya Yəhyayevalar yanğını söndürmək istəyərkən yanıq xəsarəti alıblar.

Onlar dərhal Siyəzən Müalicə-Dioqnostika mərkəzinə çatdırılıblar və ilk tibbi yardımdan sonra evə buraxılıblar. Hadisə nəticəsində 1 otaqda internet modemi və bir-iki əşya yanıb.

Yanğının başvermə səbəbi araşdırılır.

Aytəkin Alxaslı, Bizim.Media, Şimal bürosu