Ukraynada rus polkovniki Yevgeni Vaşunin öldürülüb. O, “Leninqrad alayı”na rəhbərlik edirdi.

Editor.az “FederalPress”in Rusiya nəşrinə istinadən xəbər verir ki, bu barədə Sankt-Peterburq Qanunvericilik Məclisinin spikeri Aleksandr Belski bildirib. Yüksək rütbəli işğalçı iyulun 14-də məhv edilib.

Belskinin sözlərinə görə, Vaşunin və onun qrupu “əməliyyat mühasirəsində olan “Fırtına” dəstəsinin köməyinə gəlməyə qərar veriblər. “Polkovnik dayaq qrupu ilə dəstəyə doğru irəliləyib.

Onların hərəkəti düşmən tərəfindən hiss olunub və bu zaman komandir və döyüşçüləri düşmənlə döyüşə giriblər”. Belski əlavə edib ki, döyüş zamanı Vaşunin qrupdan ayrılıb və aldığı ağır yaradan dünyasını dəyişib.