"Türk Hava Yolları”na məxsus İstanbul-Mərakeş reysi ilə uçan təyyarə sərnişinin intihar etməsindən sonra Əlcəzairdə məcburi eniş edib.

Bu barədə aviaşirkət tviter səhifəsində məlumat yayıb.

Bildirilib ki, uçuşdan az sonra sərnişinlərdən biri ayaqyoluna daxil olub və uzun müddət orda qalıb.

Bundan şübhələnən əməkdaşlar qapını sındıraraq sərnişinin meyitini aşkarlayıblar.
Təcili Əlcəzairə eniş edilib.

Hazırda hadisə ilə bağlı araşdırma aparılır.