"Meta" şirkəti işçi heyətinin 5%-ni, yəni təxminən 3600 nəfəri ixtisar edəcəyini təsdiqləyib.
Bu barədə "CBS News" məlumat yayıb.

Meta-nın baş direktoru Mark Zukerberqin göndərdiyi xidməti qeydə əsasən, bu qərar qarşıdan gələn "gərgin il" ilə əlaqədardır. İl ərzində süni intellekt texnologiyalarının və ağıllı eynəklərin inkişafına yönəlmiş yeni layihələrə diqqət ayrılacaq.

Zukerberqin sözlərinə görə, ixtisar əsasən aşağı səmərəlilik göstərən işçilərə təsir edəcək. 30 sentyabr 2024-cü il tarixində Meta-nın ümumi işçi sayı təxminən 72 400 nəfər təşkil edib.