Sibirin cənub-şərqində yerləşən, 3,15 milyon hektar ərazini əhatə edən Baykal gölü dünyanın ən qədim (25 milyon il) və bəzi ərazisində ən dərin (1700 m) gölüdür. Bu, dünyanın ümumi donmamış şirin su ehtiyatlarının 20%-ni ehtiva edir.
Dünyanın ən dərin gölü Baykal gölü kosmosdan baxıldığında yarı şəffaf mavi gözə bənzəyir, uzunluğu 636 kilometr, eni isə 80 kilometrdir.
Yer üzündəki bütün şirin suyun beşdə biri bu göldədir.
Bu, Şimali Amerikanın bütün Böyük Göllər adlanan beş gölün suyunun cəmindən çoxdur.
Baykal gölünün dərinliyi 1600 metrdən çoxdur. Əgər göl birdən quruyarsa, onu dünyanın bütün çaylarının suyu ilə doldurmaq üçün, bir il lazım olardı.
Bəziləri üçün Baykal gölündə qayıqla gəzmək bir az qorxulu görünür, çünki gözqamaşdırıcı, kristal təmiz sular sizə 50 metrə qədər dərinliyi görməyə imkan verir və boşluq hissi yaradır.
Epischura adlı kiçik xərçəngkimilər icması gölün filtri rolunu oynayır, bir çox başqa gölləri bulanlıqlaşdıran yosunları və bakteriyaları süzür.
Onlara həmçinin üzvi tullantıları parçalamadan yeyən çoxsaylı şirin su xərçəngi növləri də kömək edir.
Su o qədər təmizdir ki, iyirmi ildən az əvvəl laboratoriya analizi üçün götürülən su nümunəsini, onun qoyulduğu şüşə qab çirkləndirmişdi!
Есмира Шукурова
TEREF