Hazır qəhvə istehlak edənlər onun tərkibində dad artırıcı maddələrin ola biləcəyini nəzərə almalıdırlar.
Bu barədə Dövlət Təhsil Universitetinin Təbiət Elmləri fakültəsinin dekan əvəzi İrina Lyalina “İzvestiya” qəzetinə açıqlamasında danışıb. O bildirib ki, bəzi istehsalçılar xammalın keyfiyyətsiz və balanssız tərkibini kompensasiya etmək üçün dadvericilərdən istifadə edirlər.Mütəxəssis qeyd edib ki, tez hazırlanması üçün istifadə edilən qəhvə dənələrinin nüvəsində kofeindən daha çox teobromin maddəsi olur. Bu nüvələrdən alınan ekstrakt dondurularaq qurudulur və hazır qəhvə istehsalında istifadə edilir.Lyalina əlavə edib ki, ani və ya dondurulmuş qəhvələrin tərkibində sublimasiya prosesi zamanı az miqdarda trans yağlar da meydana çıxa bilər. Bu maddələr orqanizmdə yığıldıqda sağlamlıq üçün risk daşıya bilər, xüsusilə ürək-damar sistemi və maddələr mübadiləsi pozğunluqları ilə bağlı.Ona görə də, mütəxəssis istehlakçılara hazır qəhvənin tərkibinə diqqət etməyi və mümkün qədər təbii, minimal işlənmiş məhsullara üstünlük verməyi tövsiyə edir. Həmçinin, gündəlik kofein miqdarına nəzarət etmək də sağlamlıq baxımından vacib amillərdəndir.