Sabirabadda baş verən yol qəzasında ölən və xəsarət alanın kimliyi məlum olub.

APA-nın Mil-Muğan bürosunun məlumatına görə, Hacıqabul-Bəhrəmtəpə magistralının 16 –cı kilometrliyində Sabirabad rayonunun Nizami kəndi ərazisində “VAZ 21015” markalı "18 AA 237" dövlət nömrə nişanlı minik avtomobili “KamAZ” markalı yük avtomobili ilə toqquşub. Nəticədə sürücü, Şirvan sakini, 1980-ci il təvəllüdlü Musayev Rəşad Arif oğlu hadisə yerində ölüb. “VAZ”-da olan sərnişin, Şirvan sakini, 1984-cü il təvəllüdlü Musayev Elvin Mirzağa oğlu kəllə-beyin travması ilə Şirvan Mərkəzi xəstəxanasının reanimasiya şöbəsinə yerləşdirilib.

Sürücünün avtomobildə sıxılmış meyiti Fövqəladə Hallar Nazirliyinin Sabirabad Yanağından Mühafizə xidməti tərəfindən xüsusi avadanlığın köməyi ilə çıxarlaraq aidiyyatı üzrə təhvil verilib. Faktla bağlı BDYPİ tərəfindən hadisə yerində araşdırma aparılır.

***

01:40

Sabirabadda baş verən avtoqəzada bir nəfər ölüb, bir nəfər yaralanıb.

APA-nın Mil-Muğan bürosunun məlumatına görə, Hacıqabul-Bəhrəmtəpə magistralının 16 –cı kilometrliyində Sabirabad rayonunun Nizami kəndi ərazisində "VAZ 21011" markalı minik avtomobili "KamAZ" markalı yük maşını ilə toqquşub. Nəticədə bir nəfər hadisə yerində ölüb, "VAZ 21011"-də olan digər şəxs ağır xəsarətlərlə Şirvan Mərkəzi xəstəxanasına yerləşdirlib. Hazırda onların şəxsiyyətləri müəyyənləşdirilir.

Faktla bağlı BDYPİ tərəfindən hadisə yerində araşdırma aparılır.