Argentinanın qərbindəki Mendos vilayətində sərnişin avtobusunun qəzaya uğraması nəticəsində 12 nəfər ölüb, daha 30 nəfər xəsarət alıb.
"Report" "TASS"a istinadən xəbər verir ki, bu barədə "Todo Noticias" telekanalı məlumat yayıb.
Məlumatda bildirilir ki, hadisə zamanı avtobusda çoxlu sayda yetkinlik yaşına çatmayanlar olub. Qəza yerində xilasedicilər və həkimlər işləyir. Yaralılardan bir neçəsinin vəziyyəti ağırdır.
Qəzanın başvermə səbəbləri hələlik müəyyənləşdirilməyib. Polis qeyd edib ki, ölənlərin sayı arta bilər.