Gecə saatlarında Bakının Səbail rayonunda bıçaqlanma olub. APA-nın məlumatına görə, hadisə Nizami küçəsində qeydə alınıb.



Hadisə nəticəsində paytaxt sakini, 1998-ci il təvəllüdlü Zeynalov Rəşan İlkin oğlu aldığı üç bıçaq xəsarəti ilə 1 saylı Xəstəxanaya çatdırılıb. Cərrahi əməliyyatdan sonra onun vəziyyətinin orta ağır olduğu bildirilir.



Bıçaqlanma faktının təfərrüatlarını Səbail RPİ-nin 39-cu polis bölməsinin əməkdaşları araşdırır. İlkin ifadəsi zamanı 19 yaşlı Rəşan tanımadığı şəxslə mübahisə zamanı bıçaqlandığını deyib.



Təfərrüatlar araşdırılır.